1. Í reitnum Leita skal færa inn Þjónustupantanir og velja síðan viðkomandi tengi.

2. Velja skal þjónustupöntunina sem á að reikningsfæra og opna pöntunarspjaldið.

3. Á flýtiflipanum Línur skal velja Aðgerðir, velja Röð og velja síðan Þjónustulínur.

4. Í glugganum Þjónustulínur eru færslurnar sem þörf er á valdar og tilgreint í reitnum Magn til reikningsf. magnið sem á að skrifa á reikning viðskiptamanns.

   Til athugunar

   Hægt er að reikningsfæra á viðskiptamann fyrir skráða þjónustu að hluta til eða til fulls. Ef valið er að reikningsfæra til fulls verður gildið í reitnum Magn til reikningsf. að vera jafnt og gildið í reitnum Magn. Hægt er að bóka reikning til fulls með afhendingu til fulls og hægt er að bóka reikning til fulls fyrir afhendingu til fulls sem þegar er búið að bóka en hefur hvorki verið reikningsfærð né notuð áður. Ef reikningur að hluta er bókaður eru tvær leiðir til þess að tilgreina magnið sem á að reikningsfæra. Ef þjónustan er bókuð með valkostinum Afhenda og reikningsfæra verður gildið í reitnum Magn til reikningsf. að vera jafnt og gildið í reitnum Magn til afhendingar. Ef ætlunin er að reikningsfæra bókaða afhendingu má magn til reikningsfærslu ekki vera meira en gildið í reitnum Afhent magn.

5. Á flipanum Aðgerðir í flokknum Bókun veljið Bóka. Í glugganum sem opnast skal velja Reikningsfæra eða Afhenda og reikningsfæra.

Þjónustulínan sem valin hefur verið er bókuð. Hægt er að bóka margar þjónustulínur í einu með því að velja þær allar og velja Bóka. Ef það er gert þarf að tryggja að allar nauðsynlegar upplýsingar hafi verið færðar inn í línurnar sem á að bóka.

Þegar pöntun er bókuð með valkostinum Reikningur er bókaður þjónustureikningur stofnaður ásamt tilheyrandi fjárhagsfærslum og viðkomandi reitir í þjónustulínum pöntunarinnar uppfærðir. Þar að auki eru bókuð afhendingarfylgiskjöl uppfærð með magninu sem búið er að reikningsfæra. Ef bókunarmöguleikinn Afhenda og reikningsfæra er jafnframt stofnuð bókuð afhending.

Verkhlutar

Hugtök