Tilgreinir fylgiskjalsnúmer fyrir færslubókarlínu.
Ef reiturinn Bókunarnúmeraröð á færslubókarlínunni inniheldur númeraraðarkóta, verður hann notaður til að úthluta bókunarfærslunni fylgiskjalsnúmer. Ef reiturinn Bókunarnúmeraröð er auður verður innihald reitsins notað sem fylgiskjalsnúmer bókuðu færslunnar.
Ef reiturinn Númeraröð á bókarkeyrslunni er fylltur út, setur forritið sjálfkrafa næsta númer í númeraröðinni í reitinn. Ef kerfið úthlutar fylgiskjalinu ekki sjálfkrafa fylgiskjalsnúmeri þarf notandinn að endurskilgreina viðkomandi númeraröð.
Hægt er að tilgreina fylgiskjalsnúmer handvirkt ef reiturinn Númeraröð í bókarkeyrslunni er auður.
Ef færslubókin er ítrekunarbók og reiturinn Bókunarnúmeraröð í línunni er auður er hægt að færa inn reiknireglu hér sem verður notuð til að búa til fylgiskjalsnúmer fyrir hverja bókaða færslu. Fylgiskjalsnúmerið verður sjálfkrafa uppfært í hvert sinn sem bókað er í færslubókina. (Einnig er hægt að velja að færa inn fastan texta sem er notaður í hvert sinn sem færslubókin er uppfærð.)
Hægt er að setja upp reiknireglu fyrir fylgiskjalsnúmer með einum af eftirfarandi kótum:
| Kóti | Niðurstaða: |
|---|---|
%1 | Líðandi dagur (til dæmis mánudagur) |
%2 | Líðandi vika (til dæmis 52) |
%3 | Númer líðandi mánaðar (til dæmis 1) |
%4 | Heiti líðandi mánaðar (til dæmis janúar) |
%5 | Heiti líðandi bókhaldstímabils (til dæmis janúar) |
Dæmi:
Ef númer fylgiskjals færslunnar á að vera "L (leiga) + líðandi mánuður" er ritað "L%3" í reitinn. Númer fylgiskjalsins í janúar verður þá L1.
Ef fleiri línur en ein eru í færslubókinni heldur kerfið sjálfkrafa sama númeri á næstu línum þar til staða bókarinnar er 0. Næsta númer í röðinni verður svo fært í línuna þar á eftir.
 Til athugunar |
|---|
| hægt er að breyta reitnum Númer fylgiskjals handvirkt þannig að hægt sé að tilgreina mismunandi númer fylgiskjala fyrir mismunandi færslubókarlínur eða sama númer fylgiskjals fyrir nokkrar færslubókarlínur. Ef Númeraröð reiturinn á bókarkeyrslunni er hins vegar fylltur út krefst bókunargerðin í færslubókunum þess að númer fylgiskjala á stakri eða nokkrum færslubókarlínum séu í réttri röð. Til að ganga úr skugga um að þú fáir ekki bókunarvillur vegna fylgiskjalsnúmers pöntunar, geturðu notað aðgerðina Endurraða númerum fylgiskjals áður en þú bókar færslubókina. Frekari upplýsingar eru í Hvernig á að: Endurraða númerum fylgiskjals í færslubókum. |
 Ábending |
|---|
Frekari upplýsingar um hvernig á að vinna með reiti og dálka eru í Unnið með Microsoft Dynamics NAV. Nánari upplýsingar um hvernig finna má tilteknar síður eru í Leit. |