Aldursgreindar skuldir (skýrsla)

Opnið gluggann Aldursgreindar skuldir.

Sýnir aldursgreiningu viðskiptaskulda. Kerfið reiknar aldursgreininguna samkvæmt gjalddaga, bókunardagsetningu eða dagsetningu fylgiskjals eftir því hvað er valið á flipanum Valkostir. Tilgreina þarf dagsetninguna sem reikna á aldursgreiningu frá og lengd tímabilsins sem hver dálkur á að innihalda gögn fyrir. Ef reiturinn Prenta upphæðir í SGM er auður eru greiðslur teknar saman eftir gjaldmiðilskótum neðst í skýrslunni.

Valkostir

Aldursgreina frá: Slá skal inn dagsetninguna frá því að aldursgreining hefst.

Aldursgreining eftir: Valið er hvort reikna eigi aldursgreiningu frá gjalddaga, bókunardagsetningu eða dagsetningu fylgiskjals.

Lengd tímabils: Lengd hvers tímabils af þremur er tilgreint; til dæmis má tilgreina "1M" fyrir einn mánuð.

Prenta upphæðir í SGM: Gátmerki er sett í þennan reit ef tilgreina á aldursgreiningu eftir lánardrottnafærslum.

Prenta upplýsingar: Gátmerki er sett í þennan reit ef skýrslan á að sýna sundurliðaðar færslur sem saman mynda heildarstöðu hvers lánardrottins.

Tegund yfirskriftar: Valið er hvort dálkayfirskrift tímabilanna þriggja gefi til kynna dagsetningabil eða fjölda daga síðan skuldin gjaldféll.

Ný blaðsíða á hvern lánardrottinn: Ef tveir eða fleiri lánardrottnar eiga að vera tilgreindir í skýrslunni er gátmerki sett í reitinn svo að staða hvers lánardrottins prentist á nýja síðu.

Ábending
Frekari upplýsingar um hvernig á að vinna með skýrslur eru í Skoða prófunarskýrslur fyrir bókun, Hvernig á að skoða og prenta skýrslur og Hvernig á að stilla afmarkanir. Nánari upplýsingar um hvernig finna má tilteknar síður eru í Leit.