Kóðaþekja felur í sér að geta fylgst með því hvaða hluti af forritakóðanum hefur verið notaður í prófunaraðgerðum. Í Microsoft Dynamics NAV er kóðaþekja skráð með C/AL-kóðalínu og hún tilgreinir hvort kóðalína var notuð í prófuninni og hversu oft lína kóðans var skráð.

Veljið Ræsa til að byrja að fylgjast með kóðaþekju. Þetta ræsir vél kóðaþekju og hefur skrásetningu á kóðaþekju. Hinsvegar verður ekki hægt að sjá neinar uppfærðar upplýsingar fyrr en valið er Endurnýja eða Stöðva. Upplýsingarnar innihalda þekju hluta, kveikja og aðgerða, auk upplýsinga um stakar kóðalínur eða tómar línur eins og ákvarðað er í dálkinum Línugerð. Aðeins línur af gerðinni Kóði geta haft þekju. Línur af gerðinni Kveikja/Aðgerð sýna meðaltalsþekju allra kóðalína sem eru stilltar á kveikju eða aðgerð. Línur af gerðinni Hlutur sýna meðaltalsþekju allra kóðalína innan hlutar. Eftirfarandi tafla sýnir niðurstöður af keyrslu kóðaþekju:

Í þessu dæmi notaði virknin 20% af töflunni Gjaldmiðill þ.m.t. 81,82% af aðgerðinni InitRoundingPrecision. Eftir þetta er hægt að víkka út liðinn fyrir InitRoundingPrecision til að rannsaka kóðaþekju fyrir hverja línu kóðans í þessari aðgerð.

Aðeins eru skráðir hlutir sem virknin hefur með að gera. Þetta merkir að ef hlutur er ekki birtur í þessum glugga er þekja hlutarins sögð vera núll. Ef ætlunin er að þvinga skráningu kóðaþekju til að taka með tiltekna hluti, jafnvel þótt þeir séu ekki þaktir, skal velja aðgerðina Hlaða hlutum og tilgreina viðkomandi hluti. Þetta þvingar vél kóðaþekjunnar til að hlaða þessum hlutum og veita upplýsingar um þá, jafnvel þegar engar línur eru þaktar.