Þegar unnið er með lotu- eða raðnúmer reiknar Microsoft Dynamics NAV út upplýsingar um það hvað til er af lotu- og raðnúmerum og sýnir þær í hinum ýmsu vörurakningargluggum. Þetta gerir það mögulegt að sjá hversu mikið af lotu- og raðnúmerum er nú þegar verið að nota fyrir önnur fylgiskjöl. Þetta minnkar villur og óvissu vegna tvöfaldra úthlutana.
Í glugganum Vörurakningarlínur er viðvörunartákn sýnt í reitunum Lotunr. til ráðstöfunar eða Raðnr. til ráðstöfunar ef eitthvað af magninu sem valið var, eða það allt, er notað í öðrum skjölum eða hvort lotu- eða raðnúmerið er ekki fyrir hendi.
Í gluggunum Lotunr./Raðnr.-listi, Lotunr./Raðnr.-ráðstöfunarmagn og Vörurakning - Valdar færslur eru birtar upplýsingar um það hversu mikið magn af vöru er verið að nota. Þetta felur í sér eftirfarandi upplýsingar.
| Reitur | Lýsing |
|---|---|
Heildarmagn | Heildarmagn þeirra vara sem eru í birgðum. |
Umbeðið magn samtals | Heildarfjöldi þeirra vara sem beðið er um og verða notuð í þessu og öðrum skjölum. |
Magn í undirbúningi | Fjöldi þeirra vara sem búið er að biðja um að nota í núverandi skjali en hefur ekki enn verið bundið við gagnagrunninn. |
Umbeðið magn | Fjöldi þeirra vara sem búið er að biðja um að nota í núverandi skjali. |
Heildarmagn tiltækt | Heildarfjöldi þeirra vara sem eru í birgðum, að frádregnum fjölda þeirra vara sem beðið er um í þessu og öðrum skjölum (allt umbeðið magn) og að frádregnu því magni sem beðið er um en hefur ekki enn verið bundið í þessu skjali (magn þess sem nú er beðið eftir). |
Til að mæla afköst safnar Microsoft Dynamics NAV ráðstöfunarupplýsingum úr glugganum Vörurakningarlínur eingöngu einu sinni, þegar hann er opnaður. Þetta merkir að Microsoft Dynamics NAV uppfærir ekki þessar upplýsingar á meðan glugginn er opinn, jafnvel þótt breytingar eigi sér stað í birgðum eða í öðrum fylgiskjölum. Ef unnið er í glugganum Vörurakningarlínur í langan tíma eða ef mikið er um aðgerðir með þeirri vöru sem verið er að vinna með er hægt að uppfæra ráðstöfunarupplýsingarnar með því að velja Endurnýjun ráðstöfunar.
Microsoft Dynamics NAV athugar sjálfkrafa ráðstöfun vörunnar þegar glugganum er lokað til að fá staðfestingu á því að engin ráðstöfunarvandamál eru fyrir hendi.