Sölustjórar þurfa að greina veltu, brúttóhagnað og aðrar lykilstærðir varðandi sölu með reglulegu millibili. Innkaupaaðilar hafa meiri áhuga á að greina innkaupamagn, fylgjast með frammistöðu birgja og innkaupaverði. Vöru- og birgðastjórar þurfa hins vegar upplýsingar um birgðaveltu, greiningu á hreyfingu birgða og upplýsingar um birgðavirði.

Hægt er að nota greiningarskýrslur til að stofna sérsniðnar skýrslur sem byggðar eru á upplýsingum um bókaðar færslur, t.d. sölu, innkaup, millifærslur og birgðaleiðréttingar. Í sérsníðanlegri skýrslu getur notandi sameinað, borið saman og sett fram frumgögnin sem eru upprunnin í birgðafjárhag (með tengdum virðisfærslum) á ýmsan þann hátt sem hann kýs. Greiningarskýrslan er því mjög svipuð veltitöfluskýrslu í Microsoft Excel.

Dæmi

Hægt er að stofna sérsniðna skýrslu sem tekur fyrir lykilreikninga og heildarveltu þeirra bæði í magni og upphæðum, brúttóhagnað og brúttóhagnaðarhlutfall í gildandi mánuði, og fá samanburð við niðurstöður fyrri mánaða eða sama mánaðar á síðasta ári, og reikna út frávik. Allt þetta er hægt að gera í sama yfirliti, með möguleika á að komast beint að orsök vandamála með því að smella á AssistButton til að fá aðgang að upplýsingum um einstakar færslur.

Greiningarskýrslan er mynduð úr hlutunum sem á að greina (til dæmis viðskiptamönnum, viðskiptamannaflokkum, sölumönnum o.s.frv.) sem settir eru fram sem línur og greiningarfæribreytunum, það er, aðferðinni sem á að beita við að greina hlutina, sem settar eru fram í dálkum (dæmi hagnaðarútreikningar, samanburður á sölumagni og -upphæðum yfir tímabil eða samanburður á rauntölum og áætlunum).

Dæmi

Hægt er að setja upp línur eins og þessar:

• Tölvur
  
• Skjáir
  
• Varahlutir
  

Síðan er hægt að setja upp dálka eins og þessa:

• Sala gildandi mánaðar
  
• Sala síðasta mánaðar
  
• Sala síðasta mánaðar í prósentum
  

Uppsetning á útliti lína og dálka

© 2015 Microsoft. Allur réttur áskilinn.

Dagsetning byggingar: